大密歡喜明點 吉祥大智者 杜洛巴 法慧 藏汉 N

班匝咕汝

d1345大密歡喜明點 吉祥大智者 杜洛巴 法慧n3.5s
D1345
@##།།རྒྱ་གར་སྐད་དུ།ར་ཧ་སྱ་ཨཱ་ནནྡ་ཏི་ལ་ཀ་ནཱ་མ།བོད་སྐད་དུ།གསང་ཆེན་དགའ་བའི་ཐིག་ལེ་ཞེས་བྱ་བ།བཅོམ་ལྡན་འདས་དཔལ་པདྨ་ལས་བྱུང་བ་ལ་ཕྱག་འཚལ་ལོ།།འགྲོ་བའི་ཉོན་མོངས་སེལ་མཛད་པདྨ་ལས་བྱུང་ལྷ་མོའི་མཆོག་གཉིས་དགའ་བའི་མགོན།།འགྲོ་བའིསྡུག་བསྔལ་ཞི་མཛད་ཁྲོ་བོའི་རྒྱལ་པོ་དགའ་བྱེད་ཐུགས་རྗེའི་དགོས།།འགྲོ་བ་བདེ་བ་སྦྱིན་མཛད་ཕོངས་པ་ཐམས་ཅད་སྐྱོབ་པ་ལྷ་ཡི་གཙོ་བོ་མཆོག་།སྲིད་གསུམ་སྐྱོབ་འོས་འབྱོར་པ་མ་ལུས་འབྱུང་ལ་རབ་ཏུ་དད་པས་ཕྱག་འཚལ་ལོ།།རྡོ་རྗེ་ཐེག་པ་འདི་ལ་ཞུགས་པའི་རྣལ་འབྱོར་པ་དག་།སྐུ་དང་གསུང་དང་ཐུགས་གསང་ཆེན་དག་གིས།།ལྷན་ཅིག་སྐྱེས་པའི་དགའ་བའི་ཐིག་ལེ་ལ་འཇུག་པ་བཤད་པར་བྱའོ།།དེ་ལ་རེ་ཞིག་དང་པོར་སྐུའི་གསང་ཆེན་བརྗོད་པར་བྱ་སྟེ།འདིར་བྱ་བའི་རྒྱུད་ལ་ཞུགས་པ་ལྟར་ཐ་དད་པར་སྣང་བའི་ལྷ་ཡི་དམིགས་པ་ནི་མི་བྱའི།།གང་ལབདག་ཏུ་བརྟགས་ཤིང་མི་གསང་བར་བརྟགས་པའི་ལུས་འདི་ཉིད་ཁོ་ན་ལ་ལྷར་དམིགས་པར་བྱའོ།།དེ་ཅིའི་ཕྱིར་ཞེ་ན།མྱུར་དུ་ཡོངས་སུ་དག་པར་རྟོགས་པར་འགྱུར་བའི་ཕྱིར་རོ།།ཐ་དད་པ་ནི་དེ་ལས་བཟློག་པའོ།།དེའི་ཕྱིར་གསུངས་པ།རྣལ་འབྱོར་ཡང་དག་མ་ཡིན་སེམས།།ལྷ་ལ་དམིགས་པར་བྱེད་པ་དག་།རྣལ་འབྱོར་གཟུགས་བརྙན་རང་བཞིན་ཏེ།།ལུགས་མ་ལ་སོགས་རྣལ་འབྱོར་སྐྱེ།།ཡང་དག་མཆོག་སེམས་རྣལ་འབྱོར་སྐྱེ།།ལྷ་ལ་དམིགས་པར་བྱེད་པ་དག་།རང་གི་དམ་ཚིག་བདག་སྦྱོར་བས།།མི་འགྱུར་དམ་པ་འགྲུབ་པར་བྱེད།།ཅེས་སོ།།ཅིའིཕྱིར་དང་པོའི་དམིགས་པ་དོར་ཞེ་ན།།འདི་ནི་དམ་པའི་བསྒྲུབ་པ་སྟེ།།གང་གསུངས་པ།ཐ་མལ་རྣམ་རྟོག་གཞོམ་པའི་ཕྱིར།།རང་ལ་ལྷ་ཡི་ངར་འཛིན་བྱ།།ཞེས་སོ།།ཡང་གསུངས་པ།དེ་ནས་བཅོམ་ལྡན་འདས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས།བཅོམ་ལྡན་འདས་ཀྱིས་བདེ་བ་ཆེན་པོ་སོ་སོར་གསུངས་པ་ཐོས་ནས།ཆེད་དུ་བརྗོད་པའི་ཆེད་དུ་བརྗོད་དོ།།ཐ་མལ་རྣམ་རྟོག་གཞོམ་དོན་དུ།།ཡང་དག་བསྒོམ་པ་རབ་གྲགས་ཀྱི།།ཐ་མལ་གནས་སྐབས་ཆོམས་ནས་ནི།།སྒོམ་པའང་བསྒོམ་པར་མི་བྱའོ།།བྱང་ཆུབ་སེམས་དཔའི་ད་ནི་དེ་ལྟའོ།།དེ་དེ་ལྟ་མོད་ཀྱི་འོན་ཀྱང་མི་གཙང་བའི་ལུས་འདི་སྦྱངས་ལ་སངས་རྒྱས་ཀྱི་སྐུར་རྣམ་པར་བསྒོམ་པར་བྱའོ་ཞེས་སོ།།ཐབས་གང་ཞིག་གིས་འདི་བསྒོམ་པར་བྱ།འདིར་ནི་སྐྱེས་ནས་དྲོད་གཤེར་དང་།མངལ་དང་།སྒོ་ང་དང་།རྫུས་ཏེ་འབྱུང་བ་དག་གིས་བསྒོམ་མོ།
梵文題目：RahasyaAnandaTilakaNama
藏文題目：《秘密大樂點》
頂禮世尊吉祥蓮花生佛！
消除眾生煩惱的蓮花生天女至尊，雙運歡喜怙主；
平息眾生痛苦的忿怒王歡喜尊，大悲怙主；
賜予眾生安樂的救護一切貧困者，諸天之尊主；
應護佑三界、具足一切圓滿者，我以至誠信心頂禮！
對於入此金剛乘的瑜伽士們，將宣說以身語意三大密，如何趣入俱生喜之明點。首先闡述身之大密：
在此不應如事續所說那樣觀想顯現差別的本尊，而應唯獨將此被執為我及不凈的身體本身觀為本尊。為什麼呢？
因為這樣能迅速證悟圓滿清凈的緣故。
差別觀則與此相反。因此經中說：
"非真實瑜伽心，專注觀想諸本尊，瑜伽如影之自性，銅像等生起瑜伽。
真實勝心生瑜伽，專注觀想諸本尊，以自誓言相應故，成就無變之殊勝。"
為何要捨棄最初的觀想呢？這是殊勝的修持，如經中所說：
"為摧毀平凡分別念，應持自身即尊天慢。"
複次所說：爾時，執金剛菩薩大士聞世尊所宣說的大樂別解后，特意宣說道："為摧毀平凡分別，雖廣傳真實修習，摧毀平凡住時後，修習亦不應修習。"菩薩如是宣說。雖然如此，但仍應凈化此不凈之身，觀修為佛身。以何方便修習？
此處應由胎生、濕生、卵生、化生四生來修習。

།ཇི་ལྟར་འགྲོ་བ་དང་འདྲེན་པ་ཉིད་དོ།།བརྗོད་པ་མི་འདྲ་བ་ཉིད་ཀྱིས་བསྟན་ཏེ།རྣལ་འབྱོར་རྣམ་གསུམ་ཞེས་བྱ་སྟེ།བྱིན་གྱིས་བརླབས་དང་ཡོངས་བརྟག་དང་།།གཟུགས་ཉིད་ཡོངས་སུ་རྫོགས་པ་དག་།རྣལ་འབྱོར་ཡིན་ཞེས་སངས་རྒྱས་གསུང་།།དེ་བཞིན་དུ་དང་པོ་དམ་ཚིག་བྱིན་གྱིས་བརླབ་པའོ།རྣལ་འབྱོར་སྤྱོད་པ་དག་གིས་བརྟགས།།དབུ་མ་ཡོངས་སུ་རྫོགས་པ་དག་།རྣལ་འབྱོར་གྱི་ནི་ཆོ་གར་བཤད།།ཅེས་སོ།།འདི་ནི་རིམ་པ་ལས་མ་འདས་པས་བསྒོམ་སྟེ།གང་གསུངས་པ།དང་པོའི་ལས་ཅན་རྣལ་འབྱོར་པ།།དེ་སྤྲུལ་སྐུ་ལ་གོམས་པར་བྱ།།སྤྲུལ་པའི་སྐུནི་བརྟན་གྱུར་ནས།།ལོངས་སྤྱོད་རྫོགས་པ་བརྟན་པར་བསྒོམ།།སྤྲུལ་པའི་སྐུ་ནི་གསལ་གྱུར་ཅིག་།ལོངས་སྤྱོད་རྫོགས་པ་གསལ་ཙམ་ན།།ཆོས་སྐུ་དམིགས་པ་མེད་པ་སྟེ།།འདི་ནི་མདོར་བསྡུས་སྨོས་པའོ།།ཞེས་སོ།།རིམ་པ་གཉིས་ཀྱང་དེ་བཞིན་ཏེ།ཇི་སྐད་དུ་སློབ་དཔོན་ཌོམྦི་པས་བཤད་པ།བསྐྱེད་པའི་རིམ་པ་བསྒོམ་པ་བློ་བཟངས་ཀྱིས།།རྟག་ཏུ་དང་པོ་ཉིད་དུ་བྱ་བ་སྟེ།།ཕྱག་རྒྱ་སྔགས་ནི་རྣམ་པར་དག་ཙམ་དང་།།ཆོ་ག་ཐམས་ཅད་བརྗོད་པར་བྱ་བ་མིན།།ཕྱི་ནས་ཁྱད་པར་ལྡན་ཞིང་བདེ་བླག་ཏུ།།ཡུད་ཙམ་རེ་རེས་དེ་ཉིད་སེམས་གཅིག་ན།།སྲིད་པ་འཇིག་པའི་རྫོགས་རིམ་བསྒོམ་པ་ནི།།ལྷན་ཅིག་སྐྱེས་པ་རྟག་ཏུ་བསམ་པར་བྱ།།ཞེས་སོ།།འདི་ནི་ཐམས་ཅད་དུ་གནས་པ་མ་ཡིན་པ་སྟེ།ཇི་སྐད་གསུངས་པ།ཐ་མལ་རྣམ་པ་གཞོམ་དོན་དུ།།རང་ལ་ལྷ་ཡི་ངར་འཛིན་བྱ།།ངར་འཛིན་དེ་ཡང་གཞོམ་པའི་ཕྱིར།།དམིགས་པ་མེད་པ་རྣམ་པར་བསྒོམ།།གང་ཚེ་སེམས་ནི་མཉམ་གནས་པ།།དེ་ཚེ་དེ་ཉིད་ཡིན་པར་ངེས།།ཞེས་པ་དང་།ཡང་གསུངས་པ།ཐ་མལ་རྣམ་པ་གཞོམ་དོན་དུ།།ཡང་དག་བསྒོམ་པར་རབ་གྲགས་ཀྱི།།ཐ་མལ་གནས་སྐབས་ཆོམས་ནས་ནི།།སྒོམ་པའང་བསྒོམ་པར་མི་བྱའོ།།ཞེས་སོ།།ཐོགས་པ་མེད་པས་འདི་གནས་ཏེ།།གང་གསུངས་པ།ཕྱག་ན་རྡོ་རྗེས་ཡང་གསོལ་པ།བཅོམ་ལྡན་འདས་ལུས་དང་ལྡན་པར་བསྒོམ་པ་འདི་ལ་དགོས་པ་ཅི་མཆིས།བཅོམ་ལྡན་འདས་ཀྱིས་བཀའ་སྩལ་པ།གསང་བའི་བདག་པོ་དགོས་པ་ཡོད་དོ།།བཅོམ་ལྡན་འདས་མཚན་ཅི་སྐད་ཅེས་བགྱི་བ་མཆིས།།རྡོ་རྗེ་འཛིན་པས་བཀའ་སྩལ་པ།སངས་རྒྱས་ཀྱི་དེ་ཁོ་ན་ཉིད་ཅེས་བྱ་བའོ།།སངས་རྒྱས་ཀྱི་དེ་ཁོ་ན་ཉིད་ཅེས་བགྱི་པ་དེ་ཇི་ལྟ་བུ།རྣམ་པ་ཐམས་ཅད་མཁྱེན་པའོ།།དེ་ཅི་ནུས་ཅན་ཞིག་གམ།དེ་ནི་དེ་བཞིན་དུ་བདེན་ནོ།
如同引導眾生一般。以不同的表述來闡明，所謂三種瑜伽：
加持、遍觀想以及圓滿色身，佛說這些即是瑜伽。
同樣，首先是誓言加持。瑜伽行者所觀想，中脈圓滿等，在瑜伽儀軌中解說。
這是不離次第而修，如經中所說："
初業瑜伽行者，應當熟習化身，化身已得穩固后，堅固修習報身。
化身若已明顯時，報身僅成明顯已，法身無有所緣相，此乃略說而言之。"
二次第也是如此，如阿阇黎蕩比巴所說："
生起次第修習以善心，恒常首先應當如是行，手印咒語僅成清凈已，一切儀軌不應再宣說。
其後具足殊勝易成就，剎那剎那專注彼一心，修習壞滅輪迴圓滿次，應當恒常思維俱生性。"
此非一切時處皆如是，如經所說：
"為摧平凡之相故，應持自身即尊慢，為摧彼等我執故，應當修習無所緣。
何時心住于等性，爾時決定即真如。"
又說：
"為摧平凡之相故，雖廣傳真實修習，摧毀平凡住時後，修習亦不應修習。"
無礙者如是安住，如經所說：
金剛手複次啟問：
"世尊，修習具身此法有何必要？
"世尊答道："密主，有其必要。"
"世尊，此法何名？
"金剛持答道："名為佛陀真如。"
"何謂佛陀真如？"
"即一切種智。
""此有何等功能？"
"如是確實。"
།དེ་ཅིའི་ཕྱིར་ཞེ་ན།རྡོ་རྗེ་འཛིན་གྱིས་བཀའ་སྩལ་པ།མཚན་སུམ་ཅུ་རྩ་གཉིས་དང་།དཔེ་བྱད་བཟང་པོ་བརྒྱད་ཅུས་བརྒྱན་པའི་སྐུ་འདི་ནི་ང་ཡིན་ནོ།།དེ་ཅིའི་ཕྱིར་ཞེ་ན།ཡུལ་རྣམས་ཀྱིས་རྒྱུས་ང་བསྒྲུབ་པར་བྱ་བ་ཡིན་པས་ནའོ།།ཕྱག་ན་རྡོ་རྗེས་ཡང་གསོལ་པ།ཅི་བཅོམ་ལྡན་འདས་བེམས་པོའམ།རྡོ་རྗེ་འཛིན་གྱིས་བཀའ་སྩལ་པ།ང་ནི་མེ་ལོང་ལྟ་བུའི་ཡེ་ཤེས་སོ།།མེ་ལོང་ལྟ་བུའི་ཡེ་ཤེས་དེ་ཇི་ལྟ་བུ།རྡོ་རྗེ་འཛིན་གྱིས་བཀའ་སྩལ་པ།དེ་བདེན་པ་ཡང་མ་ཡིན་ཞིང་བརྫུན་པ་ཡང་མ་ཡིན་ལ།བླང་བར་བྱ་བ་ཡང་མིན་ལ་དོར་བར་བྱ་བ་ཡང་མིན་ནོ།།དེ་བཞིན་དུ་མཉམ་པ་ཉིད་ཀྱི་ཡེ་ཤེས་ཀྱང་ངའོ།།སོ་སོར་རྟོག་པའི་ཡེ་ཤེས་ཀྱང་ངའོ།།བྱ་བ་ནན་ཏན་གྱི་ཡེ་ཤེས་ཀྱང་ངའོ།།དེ་བཞིན་དུ་ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་ཀྱང་ངའོ།།དེ་བས་ན་བྱང་ཆུབ་སེམས་དཔའ་ཆེན་པོ་བྱང་ཆུབ་འདི།དངོས་པོ་མེད་པ་དེ་སྐད་དུ་མ་སྨྲ་ཤིག་།དངོས་པོ་མེད་ཉིད་དངོས་པོ་འང་ང་།།དེ་བཞིན་གཤེགས་པར་གདོད་ནས་གྲོལ།།མཆོག་གི་སྐུ་དང་ལྡན་པ་སྟེ།།ཟབ་ཅིང་རྒྱ་ཆེའི་སྐུ་མངའ་བ།།ཧེ་རུ་ཀ་ངའོ་སེམས་དཔའ་ཆེ།།བདག་མེད་མ་དང་ཐབས་ཅིག་སྦྱོར།།བདེ་ཆེན་ང་ནི་བེམས་པོ་མིན།།འཇིག་རྟེན་གཞུག་ཕྱིར་བེམས་པོ་ང་ཞེས།།ཡང་གསུངས་པ།གཟུགས་བརྙན་རང་བཞིན་ཇི་ལྟ་བ།།དེ་བཞིན་བསྒོམ་བྱའི་དངོས་གང་ཡང་།།སྟོང་ཞིང་སྣང་མེད་གནས་མཆོག་སྟེ།།དེ་ཚེ་སྡིག་དང་བསོད་ནམས་མེད།།དཔེར་ན་ཆུ་ནང་ཟླ་བ་ནི།།གྲོགས་དག་བདེན་མིན་བརྫུན་པའང་མིན།།དེ་བཞིན་དཀྱིལ་འཁོར་འཁོར་ལོ་འདི།།དང་ཞིང་གསལ་བའི་ངོ་བོའོ།།ཞེས་སོ།།དེ་བཞིན་དུ།ཨོཾ་སྭ་བྷཱ་བ་ཤུདྡྷཿ་སརྦ་རྨཱཿ་སྭ་བྷཱ་བ་ཤུདྡྷོུ྅ཧཾ།ཞེས་གསུངས་སོ།།འདི་ནི་མེད་པ་ལས་བརྟགས་པ་ཙམ་མ་ཡིན་པ་སྟེ།གང་གསུངས་པ།ལྷ་ཡི་སྐུ་ཡི་སྦྱོར་བ་ཡང་།།སྐྱེས་ཙམ་ཉིད་ནས་མངོན་པར་གནས།།ཁ་དོག་ཕྱག་ཞལ་དབྱིབས་འདྲ་ལས།།ཅུང་ཟད་རང་བཞིན་བག་ཆགས་སོ།།ཞེས་པ་དང་།ཡང་གསུངས་པ།བཅོམ་ལྡན་འདས་ཀྱིས་བཀའ་སྩལ་པ།སེམས་ཅན་སངསརྒྱས་ཡིན་པ་ལ།།ཅུང་ཟད་གློ་བུར་དྲི་མས་བསྒྲིབས།།དེ་བསལ་བ་ནི་སངས་རྒྱས་སོ།།ཞེས་སོ།།འདི་ཡི་བསྒྲུབ་པ་ཉིད་ཅི་གང་གི་ཚེ་མངོན་སུམ་དུ་གྱུར་པ་ཁོ་ནའོ།།འདི་ནི་སྐུའི་གསང་ཆེན་མངོན་པར་བརྗོད་པའོ།
為什麼呢？
金剛持答道：
"具足三十二相及八十隨好莊嚴之身即是我。
為什麼呢？因為我是由諸境所成就的。"
金剛手又問："世尊是無情物嗎？"
金剛持答道："我是大圓鏡智。"
"何謂大圓鏡智？"
金剛持答道："它既非真實亦非虛妄，既非所取亦非所舍。
同樣，平等性智也是我，妙觀察智也是我，成所作智也是我。
如是，極其清凈的法界智也是我。
因此，大菩薩啊，不要說此菩提是無實體的。
無實體性與實體性皆是我，本來解脫即如來，具足殊勝之身相，具有甚深廣大身，我是勝義勇父尊，與無我母雙運，大樂我非無情物，為攝世間說我是無情。"
又說："
如同影像之自性，一切所修諸事物，空性無現勝住處，彼時無罪亦無福。
譬如水中之月影，賢友非真亦非假，如是壇城輪亦然，清凈光明之體性。"
如是說："嗡娑婆瓦秫達薩兒瓦達兒瑪娑婆瓦秫多杭"這並非僅是從無中假立，如經所說："
本尊身相之相應，從生即已明顯住，
色相手面形狀等，些許自性習氣存。"
又說，世尊開示道："
眾生本是佛，少許客塵障，除彼即成佛。"
此中成就性何時顯現？唯有現前證得之時。
這是對身之大密的明顯宣說。
།།།ད་ནི་གསུང་གི་གསང་ཆེན་མངོན་པར་བརྗོད་པར་བྱ་སྟེ།སྐུའི་གསང་ཆེན་ལ་གནས་པ་དེའི་ངག་གི་གནས་སུ་ཡི་གེ་ཧྲཱིཿ་དམར་པོ་ལས་པདྨ་འདབ་མ་བརྒྱད་པ་བསམས་ལ།ལྕེའི་འདབ་མ་ལ་ཡི་གེ་ཧཱུཾ་དཀར་པོ་ལས་རྡོ་རྗེ་དཀར་པོ་བསམས་ཏེ།ཨོཾ་བཛྲ་ཛི་ཧྭ་ཞེས་པས་བྱིན་གྱིས་བརླབས་ལ།དེ་ཉིད་དུ་དེ་ཐིམ་པས་རྡོ་རྗེའི་རང་བཞིན་དུ་མོས་པ་བསྐྱེད་དེ།ཁྲོ་བོའི་བརྗོད་པའམ།རྡོ་རྗེའི་བརྗོད་པས་རང་གི་བླ་མའི་གདམས་ངག་དང་མཐུན་པའི་བཟླས་པ་བྱའོ།།དེ་ལ་ཁྲོ་བོའི་བརྗོད་པ་ནི།སྤྲིན་བྱུང་འབྲུག་སྒྲ་ཡི་གེ་ཧཱུཾ།།ཟབ་མོ་རྡོ་རྗེའི་ཚིག་བརྟན་པ།།ཁྲོ་བོ་གསལ་བ་ཁྲོ་ཆེན་པོའོ།།རྡོ་རྗེའི་ཚིག་ཅེས་གྲུབ་པའོ།།ཞེས་པའོ།།རྡོ་རྗེའི་བརྗོད་པ་ནི།ལྕེ་རྩེ་ཤིན་ཏུ་མི་བསྒུལ་ཞིང་།།སོ་དང་མཆུ་གཉིས་འབྱར་བྱས་པ།།རྟོག་པ་ཀུན་ལ་སྦྱར་བ་སྟེ།།རྡོ་རྗེའི་བརྗོད་པ་སྒྲ་ཡངས་པའོ།།ཞེས་སོ།།དེ་ཡང་ཐུན་མོང་གི་ཡན་ལག་ནི།རྟོག་པ་ཀུན་ལས་བཏུས་པ་ལས་གསུངས་པ།བཟླས་བརྗོད་བྱེད་ཚེ་ཁྲོ་མི་བྱ།།ཡུལ་གྱི་བདག་ཉིད་དགའ་མི་བྱ།།ཞུམ་དང་མི་དགའ་འཇིགས་པ་དང་།།འཇུངས་དང་ང་རྒྱལ་ཡོངས་སུ་སྤང་།།ཟློས་ཚེ་ཅི་ཡང་མི་བསམ་ཞིང་།།ཡན་ལག་འགྱུར་བར་མི་བྱའོ།།ཀུན་རྟོག་རླུང་གིས་བསྐྱོད་ནས་ནི།།ཅི་ཡང་རུང་བ་མི་བསམ་མོ།།རིག་སྔགས་ལྷ་ནི་མགཏོགས་པ།།སྒོམ་པ་མཆོག་ཏུ་གྱུར་པ་ཡང་།།ཟློས་པས་བཟླས་བརྗོད་བྱེད་པའི་ཚེ།།ཀུན་རྟོག་བཟུང་ནས་མི་བསམ་མོ།།ཞེས་པ་ལ་སོགས་པའོ།།དེ་ལྟར་ཞུགས་པ་དེས་ཅི་ཙམ་གྱི་དངོས་གྲུབ་ཏུ་འགྱུར།ཕྲེང་བ་ལས་ལྟོས་པ་ནི།མཁས་པས་གསང་སྔགས་ཡི་གེ་ནི།།བཅོ་ལྔ་མན་ཆད་གྲངས་རྣམས་ལ།།ཡི་གེའི་སྡོམ་ནི་དུ་ཡོད་པ།།དེ་སྙེད་འབུམ་ཕྲག་བཟླས་བརྗོད་བྱ།།ཡི་གེ་སུམ་ཅུ་རྩ་གཉིས་ལ།།བཟླས་བརྗོད་སུམ་འབུམ་བྱ་བར་བཤད།།ཡི་གེ་དེ་ལས་ལྷག་པ་ལས།།སྔོན་དུ་བསྙེན་པ་ཁྲི་བྱའོ།།སྔོན་དུ་བསྙེན་པ་མེད་པར་ཡང་།།ལས་རྣམས་ཕལ་ནི་འགྲུབ་པར་འགྱུར།།ཞེས་གསུངས་སོ།།གང་དུ་དུས་ལ་ལྟོས་པ་ནི།།རྫོགས་ལྡན་དུས་སུ་ཡི་གེ་འབུམ་བཟླས་ཏེ།།གཉིས་ལྡན་དུས་ཀྱི་སྔགས་པས་འབུམ་ཕྲག་གཉིས།།གསུམ་ལྡན་དུས་སུ་དེ་ཉིད་གསུམ་དུ་འགྱུར།།བྱེ་བ་ཕྲག་སུམ་འབུམ་བཞི་རྩོད་དུས་སྦྱར།།ཞེས་གསུངས་སོ།།གཞི་ལ་ལྟོས་པ་ནི།རྒྱུད་ལ་ལར་ནི་ཅི་ནས་སྔགས་བྱེ་བ་བཟླས་པར་གསུངས་སོ།།བསོད་ནམས་འབྲིང་པོ་རྣམས་ཀྱིས་འབུམ་བཟླས་པར་བདག་སྨྲའོ།
現在宣說語之大密：
安住于身之大密者，于語處觀想紅色"ཧྲཱིཿ"（HRĪḤ）字所成八瓣蓮花，于舌瓣上觀想白色"ཧཱུཾ"（HŪṂ）字所成白色金剛。
以"嗡班扎吉哇"加持，融入其中，生起金剛自性之信解。
以忿怒語或金剛語，依照自己上師的教授而誦咒。
其中忿怒語者："
云生雷音吽字聲，甚深金剛語堅固，
忿怒明顯大忿怒，是為金剛語成就。"
金剛語者："
舌尖極不動搖時，牙齒雙唇相粘合，
運用於一切分別，金剛語誦聲廣大。"
其共同支分，如《攝一切分別》中所說："
誦咒之時莫生嗔，對境自性勿歡喜，怯弱不悅及恐懼，吝嗇我慢悉當斷。
誦時不應思一切，肢體亦莫令變動。分別風動搖之時，任何所緣勿思維。
除了明咒天尊外，即使最勝之修法，誦持咒語之時中，執持分別莫思維。"
等等。
如是趣入者將獲何等成就？
依《鬘論》所說："
智者密咒字，十五以下數，字數有幾何，誦持幾十萬。
三十二字者，說誦三十萬，超過彼字數，前行修十萬。
無有前行修，諸事亦得成。"
依時而論："
圓滿時中誦十萬，二分時中咒師二十萬，三分時中彼成三十萬，爭鬥時中三百四十萬。"
依據基礎而論：
有些續部說須誦咒一千萬遍。我說中等福德者誦十萬遍。
།བསོད་ནམས་ཆེ་བས་ཁྲི་བཟླས་པས་ཤིན་ཏུ་མྱུར་བར་འགྲུབ་པོ།།དེ་ལྟར་རྡོ་རྗེ་ཅན་ཆེན་པོ་རྒྱུད་ཀྱི་བདག་པོས་གསུངས་སོ།།བསོད་ནམས་ཆུང་བའི་སེམས་ཅན་རྣམས་ཀྱིས་ནི་བྱེ་བ་བཟླས་པར་གསུངས་སོ།།སེམས་ཅན་འབད་རྩོལ་ཆུང་བ་རྣམས་ཀྱིས་ནི་འབུམ་བཟླས་པར་བདག་སྨྲའོ།།སེམས་ཅན་བསྒོམ་པ་ལ་གཞོལ་བ་རྣམས་ཀྱིས་ནི་ཁྲི་ཁོ་ན་བཟླས་པར་བྱའོ།།སེམས་ཅན་འདོད་ཆགས་ལ་ཞུགས་པ་རྣམས་ཀྱི་སྔགས་ཀྱི་བཟླས་པ་ཇི་ལྟར་ལགས།བླུན་པ་དང་ལྐུགས་པའི་རིགས་ཅན་རྣམས་ཀྱི་སྔགས་ཀྱི་གྲངས་ཇི་ལྟར་ལགས།།ཤིན་ཏུ་དམིགས་པའི་སྔགས་ཀྱི་བཟླས་པ་ཇི་ལྟར་ལགས།འདི་ལྟར་ཕན་ཚུན་སྨྲ་བས་བཟླས་ན་དངོས་གྲུབ་གཞན་དུ་འགྱུར་རོ།།གལ་ཏེ་མན་པའི་སེམས་ཀྱིས་ཉོན་མོངས་བཞིན་པས་བཟླས་ན།བསྐལ་པ་སྐར་མ་ལྟ་བུ་བྱེ་བར་ཡང་དེ་ལ་དངོས་གྲུབ་མེད་དོ་ཞེས་གསུངསསོ།།འདིའི་གྲུབ་པ་ཉིད་ཅི།བྱ་བ་ངེས་པ་ཐོབ་པ་ཉིད་དོ།།འདི་ནི་གསུང་གི་གསང་ཆེན་མངོན་པར་བརྗོད་པའོ།།།།ད་ནི་ཐུགས་ཀྱི་གསང་ཆེན་བརྗོད་པར་བྱ་སྟེ།སྔར་བཤད་པའི་སྐུ་དང་གསུང་གསང་བ་ཆེན་པོ་ལ་གནས་པ་དེས།དངོས་པོ་ཐམས་ཅད་དང་བྲལ་ཞིང་།།ཕུང་ཕོ་ཁམས་དང་སྐྱེ་མཆེད་དང་།།གཟུང་དང་འཛིན་པ་རྣམ་སྤངས་པ།།ཆོས་བདག་མེད་པ་མཉམ་པ་ཉིད།།རང་སེམས་གཟོད་ནས་མ་སྐྱེས་པ།།སྟོང་པ་ཉིད་ཀྱི་རང་བཞིན་ནོ།།ཞེས་པ་རྟོགས་པའོ།།འདི་ཡང་གང་རིག་པའི་རྗེས་སུ་འགྲོ་བ་ནི།འཕགས་པ་ནཱ་ག་རྫུ་ནའི་ཞལ་སྔ་ནས་མཛད་པའི་དབུ་མ་ལས་གྲུབ་པའོ།།ཐབས་ཀྱི་རྗེས་སུ་འབྲང་བ་དག་གིས་ནི།རླུང་དང་།རྩ་དང་།ཐིག་ལེ་དང་།ཕྲ་མོ་དང་།རྡོ་རྗེ་ནོར་བུའི་ནང་དང་།རིག་མ་ལ་བརྟེན་པ་དང་།རིལ་པོར་འཛིན་པ་དང་།རྗེས་སུ་འཛིན་པ་དག་གི་འགྲུབ་པོ།།བགྲང་དང་རྗེས་སུ་འགྲོ་དང་གནས།།མཚན་ཉིད་དེ་ནས་རྣམ་ལྡོག་དང་།།ཡོངས་སུ་དག་པ་ཉིད་དང་དྲུག་།འདི་ནི་འོང་བ་གཟུང་བར་དྲན།།འདིར་ཐུན་མོང་མིན་པ་སྦྱར་བ་རླུང་ལས་གྲུབ་པའོ།།ལྟེ་བར་ཙཎྜལཱི་སྦར་བས།།དེ་བཞིན་གཤེགས་པ་ལྔ་བསྲེག་ཅིང་།།སྤྱན་ལ་སོགས་པ་ཡང་བསྲེགས་ཏེ།།བསྲེགས་པས་ཧཾ་ལས་ཟླ་བ་འབབ།།རྩ་ལས་གྲུབ་པའོ།།ཇི་སྐད་དུ།ཀམྻ་ལ་ཨཱཪྻས་བཤད་པ།ཐིག་ལེ་སྒྲ་ནི་རྣམ་སྤངས་པའོ།།ཞེས་སོ།།ཐིག་ལེ་དང་ཕྲ་མོ་དག་གི་འགྲུབ་པའོ།
大福德者誦一萬遍則極速成就。如是大金剛持續部之主所說。
小福德眾生則說須誦一千萬遍。我說精進微弱的眾生誦十萬遍。
專注修行的眾生只需誦一萬遍。貪慾眾生的咒語誦持如何？
愚鈍啞者種性者的咒數如何？極其專注的咒語誦持如何？
如是互相談論而誦則成就轉為他果。
若以散亂心如煩惱般誦持，即使如星辰般數量的劫中亦無成就。
此中成就為何？即獲得決定作用。這是對語之大密的明顯宣說。
現在宣說意之大密：安住於前述身語大密者，應了知："
遠離一切諸事物，蘊界處及能所取，
法無我性平等性，自心本來未生起，
空性即是自性也。"
這也是隨智慧而行者，從聖龍樹口中所作的中觀而成就。
隨方便而行者則由：風、脈、明點、細分、金剛寶內、依明妃、圓滿執持、隨後執持等而成就。數、隨行、住、相、還滅及遍凈六者，此為攝持氣息之念。此處不共相應由風而成就。臍輪燃起戰達利火，焚燒五如來及眼等佛母，由焚燒"ཧཾ"（HAṂ）字降下月輪。由脈而成就。
如迦摩羅阿利耶所說："明點聲即遠離聲。"
由明點及細分而成就。
།ཆུ་བོའམ་ལྟེང་ཀའི་ཆུ་ནི་དྲི་མེད་དག་ལ་ཟླ་བ་གནས་པ་ལྟར།།དེ་བཞིན་དེ་ལ་རིམ་གྱིས་འཇིག་པ་རྣལ་འབྱོར་པ་ཡིས་རྟག་ཏུ་བསམ།།མེ་ལོང་ལ་ནི་རླུང་དག་རིམ་གྱིས་ཟར་པ་བཞིན་དུའང་བལྟ་བྱ་སྟེ།།རིལ་པོར་འཛིན་པ་ལ་བྱ་བའི་རིམ་པ་འདི་ནི་དེ་བཞིན་རབ་ཏུ་བརྟག་ཅེས་བྱ་བ་ནི།རྡོ་རྗེ་ནོར་བུའི་ནང་དུ་རྟོགས་པའི་འགྲུབ་པའོ།།རྡོ་རྗེ་ཉི་མ་ནུབ་པ་ན།།བསྒྲུབ་པ་ཀུན་དུ་བརྩམ་པར་བྱ།།སྐྱ་རེངས་འཆར་བའི་དུས་དག་ཏུ།།འགྲུབ་འགྱུར་འདི་ལ་ཐེ་ཚོམ་མེད།།ཅེས་པ་ནི།རིག་མ་ལ་བརྟེན་པས་འགྲུབ་པའོ།།རིལ་པོར་འཛིན་པ་རྗེས་སུ་གཞིག་པ་ནི།ཆུ་བོའམ་ལྟེང་ཀའི་ཆུ་ནི་ཞེས་བྱ་བ་ལ་སོགས་པ་སྔར་འདས་མ་ཐག་པས་འགྲུབ་པའོ།།འདི་དག་ནི་ཤེས་རབ་ཡེ་ཤེས་ལ་བརྟེན་པས་འགྲུབ་ལ།གསང་བ་གཉིས་ནི་བུམ་པའི་དང་གསང་བའི་དབང་ལས་འབྱུང་བའོ།།ཡོང་ནི་ཐུགས་ཀྱི་གསང་ཆེན་མ་གྲུབ་པར་ཉོན་མོངས་པ་མི་འགོག་ལ།དེ་ལ་མ་འགགས་ན་སྐུ་དང་གསུང་གི་གསང་ཆེན་མི་འགྲུབ་སྟེ།ཇི་སྐད་དུ།ཡབ་གཅིག་ལྷ་རྣམས་ཐུགས་རྗེ་མེད་དམ་ཅི།།ད་ལྟའི་སེམས་ཅན་ཤིན་ཏུ་འགྲུབ་པར་དཀའ།།བུ་གཅིག་ལྷ་རྣམས་ཐུགས་རྗེའི་རང་བཞིན་ན།།དིང་སང་སེམས་ཅན་ཉོན་མོངས་དྲ་བས་ཁྱབ།།ཅེས་བཤད་དོ།།ཐུགས་ཀྱི་གསང་ཆེན་ཉིད་དུ་སྐུའི་གསང་ཆེན་དང་གསུང་གི་གསང་ཆེན་ཡང་འཇུག་སྟེ།ཇི་སྐད་དུ།ཟླ་འོད་གཞོན་ནུར་གྱུར་པས་འཕགས་པ་ཟླ་བའི་སྒྲོན་མ་ལས་བཤད་པ།ནམ་མཁའ་འདྲ་ཞིང་རྡུལ་བྲལ་གཟུགས་བཟང་འཆར།།ཤེས་རབ་སྲས་པོ་ལུས་དང་མཚན་མི་མངའ།།ཡོན་ཏན་རྒྱ་མཚོ་རབ་ཟབ་ཐུགས་རྗེ་ཅན།།མཚུངས་མེད་ཕྱག་ནི་བདག་གི་སྤྱི་བོར་ཞོག་།ཅེས་པའོ།།དེ་བཞིན་དུ་གཞན་ལས་ཀྱང་།འཇིག་རྟེན་སྒྲོན་མ་ཁྱོད་ཀྱི་གསུང་།།ཡེ་ཤེས་རྒྱ་མཚོ་དེ་ཐོས་ན།།དེ་དག་དྲི་མེད་བདེ་བ་འཐོབ།།བསམ་གྱིས་མི་ཁྱབ་འོད་ཀྱང་འབྱུང་།།ཞེས་གསུངས་སོ།།ཡང་གསུངས་པ།གསང་སྔགས་བཟླས་བརྗོད་མི་བྱ་སྟེ།།དཀའ་ཐུབ་སྦྱིན་སྲེག་མ་ཡིན་ནོ།།དཀྱིལ་འཁོར་ལྡན་མེད་དཀྱིལ་འཁོར་མེད།།དེ་ཡི་གསང་སྔགས་བཟླས་པ་དང་།།དེ་ཡི་དཀའ་ཐུབ་སྦྱིན་སྲེག་ནི།།སེམས་ནི་མདོ་རུ་བསྡུས་ཚུལ་ལོ།།ཞེས་སོ།
如同清凈的河流或池水中月亮安住，瑜伽士應當常觀如是漸次消融。
又應觀如鏡中風漸次消散，此即圓滿執持之次第觀想。
這是在金剛寶珠內證悟而成就。"
金剛日落時，當開始諸修，
于黎明時分，必定得成就，
於此無疑慮。"
這是依明妃而成就。
圓滿執持隨後消融，即如前述"如河流或池水"等而成就。這些是依靠智慧智而成就，二種秘密是從寶瓶灌頂和秘密灌頂而生。
若未成就意之大密則不能遮止煩惱，若於此未遮止則身語大密不能成就。
如說："
唯一父尊諸天無悲憫？今時眾生極難成就也。
唯一子啊諸天具悲性，今時眾生煩惱網遍覆。"
身之大密和語之大密也融入于意之大密中。
如月光童子所造《聖月燈經》中說："
如虛空離塵現妙身，智慧佛子無身無相，
功德海深具大悲憫，無等手掌置我頂上。"
同樣，其他經中也說："
世間明燈汝之語，智慧大海若聞彼，
彼等獲得無垢樂，不可思議光亦生。"
又說："
不誦密咒語，非苦行火供，
無壇城具壇，彼之密咒誦，
彼之苦行供，即攝心要法。"
།མཚན་མར་བཅས་པས་མཚན་བཅས་ཀྱི།།དངོས་གྲུབ་རྒྱལ་བ་དམ་པར་བཞེད།།མཚན་མ་མེད་ལ་གནས་པས་ནི།།མཚན་པར་བཅས་པ་འགྲུབ་ཏུ་རུང་།།དེ་བས་རྣམ་པ་ཐམས་ཅད་དུ།།མཚན་མ་མེད་ལ་གནས་པར་བྱ།།ཞེས་གསུངས་པས་ན་གྲུབ་པ་གསུམ་ཆར་གྱི་ཐུགས་གསང་བས་འཐོབ་པ་ཡང་ངོ་།།གང་གིས་ཐུགས་གསང་ཆེན་མ་ཤེས་པར་གནས་པ་དེ་ནི།དབུགས་མ་ཕྱིན་པར་གནས་པ་སྟེ།ཇི་སྐད་དུ་གསུངས་པ།གང་གིས་སྟོང་པ་མ་མཐོང་བ།།དེ་དག་འཁོར་ཞིང་ཉམ་ང་ཞེས་སོ།།ཡང་གསུངས་པ།སྟོང་པའི་ཆོས་ཀྱིས་མི་མཁས་གང་འཇིགས་པ།དེ་དག་སངས་རྒྱས་བྱང་ཆུབ་རིང་པོ་ཡིན།།སྟོང་ཉིད་ཆོས་ལ་ཐེ་ཚོམ་སུ་མེད་པ།།དེ་དག་སངས་རྒྱས་བྱང་ཆུབ་འཐོབ་པར་འགྱུར།།ཞེས་སོ།།དེ་བཞིན་དུ་འཕགས་པ་ནཱ་གཱ་རྫུ་ནས་བཤད་པ།གང་གིས་སྟོང་ཉིད་མི་ཤེས་པ།།དེ་ལ་ཐར་པའི་སྐལ་མེད་དེ།།འགྲོ་དྲུག་སྲིད་པའི་བཙོན་ར་རུ།།རྨོངས་པ་དེ་ནི་འཁྱམ་པར་འགྱུར།།ཞེས་སོ།།དེ་བཞིན་དུ་གང་གིས་ཐུགས་གསང་ཆེན་མ་ཤེས་པ་དེས་ནི།སངས་རྒྱས་མཐོང་བ་མ་ཡིན་ཏེ།དེ་སྐད་དུ་གསུངས་པ།ཇི་ལྟར་མཐོང་བཞིན་སུ་བལྟ་བ།།དེ་དག་འདྲེན་པ་མི་མཐོང་ངོ་།།རྣམ་པར་རྟོག་པ་མི་འཇུག་ཅིང་།།གང་ཚེ་སངས་རྒྱས་མི་མཐོང་ལ།།འཇུག་མེད་སངས་རྒྱས་ཡིན་པར་ནི།།གལ་ཏེ་མཐོང་ན་དེ་སངས་རྒྱས།།ཞེས་སོ།།ཡང་གསུངས་པ།དེ་ལྟར་སྐྱེ་འཇིག་སྤངས་པ་ཡིས།།ཐུབ་པ་ཞི་བ་སུས་མཐོང་བ།།དེ་དག་འདི་དང་སླད་མར་ཡང་།།ཆགས་མེད་ཉེར་ལེན་མེད་པར་འགྱུར།།ཞེས་སོ།།ཡང་གསུངས་པ།གང་ཟག་མེད་ཅིང་ཕུང་པོ་མེད།།སངས་རྒྱས་ཡེ་ཤེས་ཟག་མེད་པ།།རྟག་ཏུ་ཞི་བ་རྣམ་བསྒོམས་ཏེ།།དེ་ལ་བདག་ནི་སྐྱབས་སུ་མཆི།།ཞེས་སོ།།ཡང་གསུངས་པ།གང་གིས་ང་ལ་སྒྲར་ཤེས་ཤིང་།།གང་གིས་ང་ལ་གཟུགས་སུ་མཐོང་།།ལོག་པར་སྤོང་བར་ཞུགས་པ་སྟེ།།སྐྱེ་བོ་དེ་དག་ང་མི་མཐོང་།།སངས་རྒྱས་རྣམས་ནི་ཆོས་ཉིད་ལྟ།།འདྲེན་པ་རྣམས་ནི་ཆོས་ཀྱི་སྐུ།།ཆོས་ཉིད་ཤེས་པར་བྱ་མིན་པས།།དེ་ནི་རྣམ་པར་ཤེས་མི་ནུས།།ཞེས་སོ།།ཡང་གསུངས་པ།རྟག་ཏུ་སྐྱེ་མེད་ཆོས་ནི་དེ་བཞིན་གཤེགས།།ཆོས་རྣམས་ཐམས་ཅད་བདེ་བར་གཤེགས་དང་འདྲ།།བྱིས་པའི་བློ་ཅན་མཚན་མར་འཛིན་པ་རྣམས།།འཇིག་རྟེན་དག་ན་མེད་པའི་ཆོས་ལ་སྤྱོད།།ཅེས་སོ།
"有相者以有相法，成就勝者所許可，
安住無相之人者，亦能成就有相法，
是故於一切方面，應當安住于無相。"
因此說三種成就也由意密而獲得。
若有人不知意大密而住，即是未得氣息而住。如經所說："
若人未見空性者，彼等輪迴而恐懼。"
又說："
不善空法愚者生恐懼，彼等佛陀菩提甚遙遠，
于空性法誰無有疑惑，彼等必定證得佛菩提。"
同樣，聖龍樹說："
若人不知空性者，彼無解脫之緣分，
於六道輪迴牢獄中，愚癡之人當流轉。"
同樣，若不知意大密者則不見佛，如是說："
如所見而觀察者，彼等不見導師尊，
分別念不得趣入，何時不見佛陀時，
無入即是佛陀性，若見此者即見佛。"
又說："
如是遠離生滅已，誰見寂靜牟尼尊，
彼等今後諸世中，無貪無取而安住。"
又說："
無補特伽羅無蘊，佛智無漏永恒寂，
常時修習此寂靜，我於此處作皈依。"
又說："
若人知我為音聲，若人見我為色相，入于邪妄舍離道，彼等眾生不見我。
諸佛觀見法性理，導師即是法身性，法性不應知曉故，彼不能為所了知。"
又說："
恒時無生法即如來性，一切諸法如善逝無異，
具有愚童慧執相之人，世間行持無有之諸法。"
།ཡང་གསུངས་པ།སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་སྐུ་ཡིན་གྱིས།དགེ་སློང་དག་འཇིག་ཚོགས་ལ་སྐུར་མ་འཛིན་པ།དགེ་སློང་དག་ང་ནི་ཆོས་ཀྱི་སྐུ་ཡོངསསུ་རྫོགས་པར་ལྟོས་ཤིག་།ཅེས་གསུངས་ཏེ།དེ་བཞིན་གཤེགས་པའི་སྐུ་ནི་ཡང་དག་པའི་མཐའ་རྟོག་པ་འདི་ལྟ་སྟེ།ཤེས་རབ་ཀྱི་ཕ་རོལ་ཏུ་ཕྱིན་པར་བལྟའོ་ཞེས་སོ།།ཡང་གསུངས་པ།དེ་བཞིན་གཤེགས་པ་ནི་གཟུགས་ཀྱི་སྐུར་མི་བལྟ་སྟེ།དེ་བཞིན་གཤེགསཔ་ནི་ཆོས་ཀྱི་སྐུའོ།།རིགས་ཀྱི་བུ་ཆོས་ཉིད་ནི་འོང་བ་འམ་འགྲོ་བ་མེད་དེ།རིགས་ཀྱི་བུ་དེ་བཞིན་དུ།དེ་བཞིན་གཤེགས་པ་རྣམས་ལ་བྱོན་པའམ་བཞུད་པ་མེད་དོ་ཞེས་སོ།།ཡང་གསུངས་པ།གང་གིས་སངས་རྒྱས་སྤྱན་དྲངས་ཤིང་།།གང་གིས་གཤེགས་སུ་གསོལ་བ་ཡིན།།རྡོ་རྗེ་སེམས་དཔའ་བྱོན་པ་དང་།།དེ་བཞིན་གཤེགས་པ་བྱོན་པ་རྣམས།།གང་ན་འང་ཡོད་པ་མ་ཡིན་ནོ།།དྲི་མ་མེད་ཅིང་དག་པའི་ལུས།།གང་གིས་སྤྱན་དྲངས་གཤེགས་སུ་གསོལ།།དེ་ཉིད་ཀྱིས་ནི་རྟག་མེད་པར།།དེ་བཞིན་གཤེགས་ལ་ཕྱག་བྱའོ།།ཞེས་སོ།།འདིའི་གྲུབ་པ་དེ་ཉིད་ཅི།།ཆོས་ཀྱི་སྐུ་ལ་གནས་པ་ཉིད་དང་།གྲུབ་པའི་སྐྱེས་བུར་གྱུར་པ་ནའོ།།འདི་ནི་ཐུགས་ཀྱི་གསང་ཆེན་མངོན་པར་བརྗོད་པའོ།།ད་ནི་གསང་བ་གསུམ་ལས་བྱུང་བའི་འབྲས་བུ་བརྗོད་དེ།ཡང་གསུངས་པ།ཆུ་རྒྱུས་དྲ་བ་དང་བཅས་ཤིང་།།ཡན་ལག་ཀུན་ལྡན་བུ་ག་ཅན།།ལུས་དེ་མེད་པར་སྣང་གྱུར་པ།།དེ་ཡི་སྐད་ཅིག་དེ་ལ་ནི།།དགྱེས་པའི་རྡོ་རྗེའི་སྐུར་འཛིན་འགྱུར།།ནམ་མཁའ་ཇི་བཞིན་དམིགས་མེད་ཅིང་།།མཚན་མ་མེད་ཅིང་སྐྱེ་བ་མེད།།སྣ་ཚོགས་རྣམ་བྲལ་སྒྲིབ་ལྔ་སྤངས།།སངས་རྒྱས་དངོས་རྣམས་དང་བྲལ་བ།།མེ་ལོང་གཟུགས་བརྙན་ཇི་བཞིན་དུ།།དེའི་བདག་ཉིད་དུ་རབ་སྣང་བ།།ཧེ་རུ་ཀ་ཡི་དངོས་པོར་གསལ།།འདི་ཉིད་དབང་པོ་ཡུལ་རྣམས་དང་།།ཕུང་པོར་གནས་པ་མཁའ་དང་མཉམ།།བདེན་ཉིད་འདིར་རབ་སྐྱེ་ལུས་ཏེ།།འདུས་བྱས་དོན་གྱིས་གཞན་མིན་པས།།མིག་གིས་གཟུགས་ནི་འཛིན་མེད་ཅིང་།།རྣ་བ་ཡིས་ནི་སྒྲ་མིན་ནོ།།ལྕེ་ཡིས་ཀྱང་ནི་རོ་མི་ཚོར།།སྣ་ཡིས་ཀྱང་ནི་དྲིལ་མིན།།ལུས་ཀྱི་གོང་བུས་རེག་མེད་དེ།།བདེ་བ་ཆེན་པོའི་གཟུགས་ཕྱིར་ནའོ།།བུད་མེད་མཆོག་མཐོང་ལས་བདེ་ཞིང་།།གླུ་ཐོས་ལས་ཀྱང་ཡང་དག་བདེ།།དྲི་ཞིམ་མ་ལས་བདེ་བ་ཆེ།།སྐྱེ་གནས་རེག་ལས་ཀྱང་བདེ་ཆེ།།རོ་མཆོག་བཏུང་བའི་རབ་སྦྱོར་བའི།།བདེ་བ་དག་ནི་སུ་ཡིས་བཟློག་།ཅེས་སོ།
又說："
諸佛世尊即是法身，諸比丘勿執著身見，諸比丘當觀我為圓滿法身。"
即如來身是勝義諦之見解，應視為般若波羅蜜多。
又說："
不應視如來為色身，如來是法身。
善男子，法性無來無去，
善男子，如是諸如來亦無來去。"
又說："
何人迎請諸佛尊，何人祈請佛離去，金剛薩埵之降臨，如來降臨等諸事，
于任何處皆非有。無垢清凈之身者，何人迎請復送行，即彼恒時無間斷，
應當頂禮如來尊。"
此中成就為何？即安住法身及成為成就者。
這是對意大密的明顯宣說。
現在宣說三密所生之果。
又說："
具足筋脈網，具諸支分孔，彼身成無相，于彼剎那中，
執持喜金剛。如虛空無緣，無相亦無生，離諸種種相，
斷除五種障，遠離諸佛事，如鏡中影像，顯現彼自性，
明顯黑熱嘎。此等諸根境，蘊處同虛空，此真實生身，

有為義非他。眼不取諸色，耳亦非聞聲，舌亦不覺味，
鼻亦不嗅香，身聚無所觸，因大樂之相。見勝妙女樂，
聞歌亦正樂，妙香生大樂，觸生處大樂，飲用勝味時，
誰能遮此樂？"
།དོན་འདི་ཉིད་ནི་རིམ་པ་ལྔ་པ་ལས་ཀྱང་བཤད་དེ།ཇི་ལྟར་དང་བའི་ཆུ་དག་ལས།།ཉ་ནི་མྱུར་དུ་ལྡང་བ་ལྟར།།དེ་བཞིན་ཐམས་ཅད་སྟོང་གསལ་ལས།།སྒྱུ་འཕྲུལ་དྲ་བ་འབྱུང་བར་བཤད།།ཅེས་སོ།།ད་ནི་འདི་ལྟར་གྱུར་པ་དེའི་མཚན་མ་བསྟན་པ་ལུང་ལ་འཇུག་པར་བྱ་སྟེ།།ཇི་སྐད་དུ་དཔལ་ཡང་དག་སྦྱོར་བའི་ཐིག་ལེའི་ཕྲེང་བ་ལས་གསུངས་པ།དེ་ནས་གང་དུ་རིག་མའི་སྐྱེས་བུ་གྲུབ་པ་དེར་འདི་ལྟ་བུའི་ཕུན་སུམ་ཚོགས་པ་འབྱུང་སྟེ།ས་འདི་དགའ་ཞིང་མགུ་ལ་རངས་པས་རྣམ་པ་དྲུག་ཏུ་གཡོས་པ།བདུད་ཀྱི་གནས་སུ་ཆ་ལང་ལྟ་བུའི་སྒྲ་གྲགས་པ་དང་།ཕྱོགས་བཅུར་བསྐལ་པའི་མེ་འབར་བ་ལྟ་བུའི་སྐར་མདའ་ལྷུང་བ་དང་།རྒྱ་མཚོ་ཆེན་པོ་འཁྲུགས་པའི་སྒྲ་དང་།ཐམས་ཅད་དུ་གནམ་རྡོ་ལྷུང་བ་དང་།དེ་ཉིད་བསྐལ་པའི་མེའི་གཟུགས་ལྟ་བུའི་ཡེ་ཤེས་ཀྱི་སྣང་བ་འབར་བ་དང་།ཕྱག་རྒྱའི་སྐྱེ་གནས་ཀུན་དུ་ཁམས་གསུམ་ཐམས་ཅད་སྣང་བ་དང་།ཚངས་པ་དང་།ཁྱབ་འཇུག་དང་།ཆུ་བདག་དང་བརྒྱ་བྱིན་དང་།དྲག་པོ་དང་མེ་དང་།སྟོབས་བཟངས་དང་།ཉི་མ་དང་།ཟླ་བ་དང་།གནོད་སྦྱིན་དང་།གྲུབ་པ་དང་།དྲི་ཟ་དང་།མི་འམ་ཅི་དང་།ལྟོ་འཕྱེ་དང་།ལྷའི་མཆོག་དང་།རིགས་འཛིན་དང་།ཆུ་འབྱུང་བ་ལ་སོགས་པ་གང་ཡིན་པ་དང་།གཞན་ཡང་སུམ་ཅུ་རྩ་གསུམ་དུ་གནས་པའི་ལྷ་རྣམས་དེར་འོངས་ནས་ཡང་དགཔར་དགའ་བས་མེ་ཏོག་གིས་མཆོད་པར་བྱེད་དོ།།པི་ཝང་དང་།གླིང་བུ་དང་།མུ་ཀུནྡ་དང་།ཏམྤུ་ར་དང་།དུང་དང་།ཟངས་དུང་དང་།བནྟི་དང་།རྔ་པ་ཊ་ཧ་དང་།རྫ་རྔས་ནམ་མཁར་གནས་ཏེ་རྟག་ཏུ་མཆོད་པར་བྱེད་དོ།།ལྷའི་བུ་མོ་དང་།རིགས་འཛིན་གྱི་རྒྱལ་པོའི་བུ་མོ་ཐམས་ཅད་ཀྱིས་གར་བྱེད་པ་དང་སིལ་སྙན་དུ་མ་བྱེད་པ་དང་།མི་འམ་ཅི་དང་།གནོད་སྦྱིན་གྱིས་གླུ་ལེན་པར་བྱེད་ཅིང་།དེ་ལ་དགའ་བ་དང་བཅས་པས།རྒྱལ་བ་རྒྱལ་བ་ཞེས་བྱ་བའི་སྒྲས་རྟག་ཏུ་རོལ་པ་བྱེད་པ་དང་།གང་གིས་གྲུབ་པ་ལ་ནམ་མཁར་གནས་པའི་ལྷ་རྣམས་ཀྱིས་ནི་ལེགས་པའི་རྣམ་པ་རབ་ཏུ་གསོལ་བར་བྱེད་དོ།
此義在《五次第》中也說："
如同清凈水中時，魚兒迅速躍起般，
如是一切空明中，說當生起幻網相。"
現在應入經教宣說如是成就之相。
如《吉祥真實瑜伽明點鬘》中說：
其後，于明妃成就士夫處，生起如是圓滿：
大地歡喜悅意而六種震動，魔界發出如雷般聲響，十方現如劫火燃燒般流星墜落，大海發出波濤洶涌聲，處處天石墜落，彼處如劫火形相般智慧光明熾燃，于手印生處顯現三界一切，梵天、遍入天、水天、帝釋天、大自在天、火天、善力天、日天、月天、夜叉、成就者、乾闥婆、緊那羅、迦樓羅、最勝天、持明及水生等諸天，以及其他三十三天諸天來此，以正歡喜心獻花供養。琵琶、笛子、牟昆達、坦布拉、法螺、銅號、班提、巴塔哈鼓、泥鼓等住于虛空中常作供養。
天女及持明王之公主們皆作舞蹈及諸音樂，緊那羅與夜叉唱歌，
以歡喜心常以"勝利勝利"之聲作遊戲。
對於成就者，虛空中諸天以善妙相而作祈請。
།དགའ་ལྡན་དུ་གནས་པའི་ལྷ་རབ་མཆོག་གང་ཡིན་པ་དང་།ལྷའི་བུ་གང་ཡིན་པ་དང་།རིགས་འཛིན་དང་།འོག་མིན་གྱི་བར་དག་འོངས་ནས་ཕྱག་འཚལ་ཞིང་མེ་ཏོག་སྣ་ཚོགས་ཀྱི་དྲིའི་ཆར་དང་།བདུག་པ་སྣ་ཚོགས་ཀྱི་ཁྱད་པར་གྱིས།།གུས་པའི་ཚུལ་གྱིས་མཆོད་པར་བྱེད་དེ།།གཞན་ཡང་ཁྱོད་ལ་རྒྱས་པར་བཤད་པའི་ཚུལ་གྱིས་ཅི་ཞིག་བྱ་སྟེ།བསྒྲུབ་པར་བྱས་པའི་བསོད་ནམས་ཀྱིས་ཁམས་གསུམ་གྱི་གང་ཞིག་མཆོད་པ་དེ་རྣམས་ཀྱིས་མཆོད་པར་བྱེད་དོ།།དེ་ཡང་གསུངས་པ།རིག་མའི་སྐྱེས་བུ་གྲུབ་པ་ནི།།གང་དུ་མཆིས་ཤིང་གང་དུ་གནས།།གནས་ལ་ཐེ་ཚོམ་འདི་རྣམས་ནི།།བདེ་བ་ཆེན་པོས་བཤད་དུ་གསོལ།།བཅོམ་ལྡན་འདས་ཀྱིས་བཀའ་སྩལ་པ།།རིག་མའི་སྐྱེས་བུ་གྲུབ་པ་ནི།།གང་དུ་ཡང་མི་འགྲོ།།གང་དུ་ཡང་མི་གནས་སོ།།ཐེ་ཚོམ་འདི་དག་ནི།ཐོག་མ་དང་།ཐ་མ་དང་།དབུས་དང་བྲལ་བ།གཉིས་སུ་མེད་པ།གནས་གསུམ་དུ་སྣང་བ།ཐམས་ཅད་དུ་སོན་པ།ཐམས་ཅད་མཁྱེན་པ།ཐམས་ཅད་པ།ཐམས་ཅད་ཀྱི་དོན།སེམས་ཅན་ཐམས་ཅད་ཀྱི་སེམས་ལ་གནས་པ།སྡིག་པ་ཐམས་ཅད་ལས་རྣམ་པར་གྲོལ་བ།ཡོན་ཏན་ཐམས་ཅད་ཀྱིས་བརྒྱན་པརབྱས་པ།ཐམས་ཅད་དང་ལྡན་པ།ཞི་བ་མཉམ་པ་མེད་པ།རྟག་པར་བརྗོད་པ།མགོན་པོ་སྐྱོབ་པ།ཀུན་དུ་རྟོག་པ་སྤངས་པ།དབྱིབས་དང་།ཁ་དོག་དང་བྲལ་བ།རྒྱལ་བའི་སྤྱོད་ཡུལ་མ་ཡིན་པའི་ཕྱིར་རྒྱལ་པོ།ཕྱེད་པར་དཀའ་བའི་ཕྱིར་རྡོ་རྗེ།ཉོན་མོངས་པའི་ཉེ་བར་གདུང་བ་ལས་གྲོལ་བའི་ཕྱིར་ཟླ་བ།འཇིགས་པ་མེད་པའི་ཕྱིར་སེང་གེ་།གཏིང་དཔག་དཀའ་བའི་ཕྱིར་ཆུའི་ཕུང་པོའོ།།དེ་ལྟར་དཔེ་སྣ་ཚོགས་ཀྱིས་རྣལ་འབྱོར་པ་རྣམས་ཀྱི་དཔེར་བྱའོ།
兜率天所住最勝諸天、天子、持明及色究竟天等前來頂禮，
以種種花香雨及各種妙香，
以恭敬方式作供養。
其他對你廣說之理又何須？
以所修福德，三界中任何供養者皆來作供養。
又說："
明妃成就士夫者，何處前往何處住，
對此住處諸疑惑，祈請大樂為宣說。
世尊告曰：
明妃成就士夫者，不往任何處，不住任何處。此等疑惑即：
離初后與中，無二而顯現三處，
遍及一切處，一切智，一切性，一切義，
住一切有情心，解脫一切罪，以一切功德莊嚴，具足一切，
無等寂靜，恒常宣說，怙主救護，遠離遍計，
離形色，因非佛行境故為王，
難以通達故為金剛，解脫煩惱逼惱故為月，
無所畏懼故為獅子，難測深度故為水蘊。
如是以種種譬喻為瑜伽士之譬喻。"
།དེ་ཉིད་ནི་གཅིག་པུ་སྟེ།སེམས་ཅན་ཐམས་ཅད་རྣམས་ཀྱི་དོན་བྱེད་པ་དང་།རྣམ་པར་རྟོག་པ་ཐམས་ཅད་སྤངས་ཀྱང་།བལྟམས་པ་སྟོན་པ་དང་།ཁབ་ནས་མངོན་པར་འབྱུང་བ་དང་།གཞོན་ནུའི་རོལ་རྩེད་མཛད་པ་དང་།རྡོ་རྗེ་གདན་གྱིས་མནན་པ་དང་།བདུད་བཏུལ་བ་མཉམ་མེད་པ་དང་།དམ་པའི་ཆོས་ཀྱི་འཁོར་ལོ་བསྟན་པ་དང་།ལྷ་ལས་བབས་པ་ཉམས་དགའ་བ་དང་།ཤིན་ཏུ་སྣ་ཚོགས་པའི་ཆོ་འཕྲུལ་དང་།གླང་ཆེན་ནོར་སྐྱོང་བཏུལ་བ་དང་།སྐལ་བ་དང་ལྡན་པའི་སྐྱེ་བོ་དག་གཞུག་པ་དང་།ཕས་ཀྱི་རྒོལ་བ་ཚར་གཅད་པ་དང་།བསོད་སྙོམས་ཀྱི་ལྷུང་བཟེད་ལྟོས་པ་མེད་པ་དང་།འཇིག་རྟེན་གསུམ་གྱི་འཁོར་ལོ་འདུལ་བ་དང་།བྱང་ཆུབ་སེམས་དཔའི་རྒྱལ་ཚབ་ཉིད་དང་།ཡོངས་སུ་མྱ་ངན་ལས་འདས་པ་དང་།ཁམས་གསུམ་གྱི་ཆོས་ཀྱི་རྒྱལ་པོ་ཆེན་པོ་སྟེ།རིགས་ཀྱི་བུ་དེ་ལྟར་འདི་ལྟ་བུའི་ཁྱད་པར་དུ་མ་རྨི་ལམ་ལྟ་བུར་སངས་རྒྱས་ཀྱི་རོལ་པ་མཆོག་སྟོན་པར་མཛད་དོ།།གྲུབ་པ་གང་ཡིན་པ་ནི་སྒྱུ་མའི་ཚུལ་གྱིས་འགྲོ་བ་ཐམས་ཅད་ཀྱི་དོན་མཛད་དོ།།འདི་ནི་གསང་བ་གསུམ་ལས་བྱུང་བའི་འབྲས་བུ་མངོན་པར་བརྗོད་པའོ།
彼即是唯一，雖然為一切眾生作利益並斷除一切分別，仍示現誕生、出家、童子游戲、金剛座降伏、無等調伏魔眾、轉正法輪、天降悅意、種種神變、調伏護財大象、攝受具緣眾生、降伏外道、無需乞食缽、調伏三界輪、菩薩王位繼承、示現涅槃、三界大法王。
善男子，如是種種殊勝如夢般示現佛陀最勝遊戲。
所謂成就者，以幻化方式為一切眾生作利益。
這是從三密所生果之明顯宣說。
།ཡོང་ཡེ་གང་ཞིག་འཇིག་རྟེན་ལས་མ་ཆགས་པ་དེས་འདི་འགྲུབ་སྟེ།སློབ་དཔོན་འཕགས་པ་ལྷས་ཀྱང་ཐ་ན་རྒྱལ་སྲིད་ཀྱི་བདེ་བ་ལ་ཡང་མི་ཆགས་པར་བྱ་ཞེས་བཤད་ལ།དཔལ་ཤཱཀྱ་ཐུབ་པ་མངོན་པར་བསྐུལ་བ་ལས་ཀྱང་།གང་ལྷ་རྣམས་ཀྱིས་སྨྲས་པ།ན་ཚོད་ཐོག་མར་གཟུགས་མཆོག་འཛིན་པའི་ཚེ།།ཕོངས་ཤིང་སྡུག་འདོད་འདི་ནི་བྱིས་པའི་སྤྱོད།།རྒ་ན་སྡུག་བསྔལ་གཟི་བརྗིད་ལུས་བཅོམ་ན།།རྣམ་པར་སྤོང་སྟེ་རི་དགས་ཀླུང་སྐམ་བཞིན།།ནོར་འབྲུ་དམ་པ་རྫས་མང་སྟོབས་ལྡན་ཚེ།།ཕོངས་ཤིང་སྡུག་འདོད་འདི་ནི་བྱིས་པའི་སྤྱོད།ནོར་ཉམས་སྡུག་བསྔལ་བར་ནི་གྱུར་པའི་ཚེ།།རྣམ་པར་སྤོང་སྟེ་མི་ཡིས་འཕྲོག་སྟོང་བཞིན།།ཇི་ལྟར་མེ་ཏོག་ཤིང་དང་འབྲས་བཅས་ཤིང་།།དེ་བཞིན་སྦྱིན་འདོད་མ་ལ་དགའ་བར་བྱེད།།ནོར་ཉམས་སྡུག་བསྔལ་ཉེན་ཅིང་སྤང་པས་ན།།དེ་ཚེ་དགའ་བར་མི་འགྱུར་བྱ་རྒོད་བཞིན།རྫས་ལྡན་གཟུགས་མཆོག་ལྡན་ཚེ་དཔོན་པོ་བཞིན།།ཕྲད་ན་སྡུག་ཅིང་དབང་པོ་དགའ་བར་བྱེད།།རྒ་ན་སྡུག་བསྔལ་ཉེན་ཅིང་ནོར་ཟད་ན།།དེ་ཚེ་འདོད་པར་མི་འགྱུར་འཆི་བདག་བཞིན།།རྒ་བས་རྒས་བྱས་ན་ཚོད་ཡལ་འགྱུར་ན།།སྡོང་པོ་གནམ་ལྕགས་ཀྱིས་ནི་བཅོམ་པ་བཞིན།།རྒ་བས་འཁོགས་ན་འཇིགས་བཅས་ཁང་རུལ་འདྲ།།རྒ་ལས་འབྱུང་བ་ཐུབ་པ་མྱུར་དུ་སྨྲོས།།སྐྱེས་པ་བུད་མེད་ཚོགས་རྣམས་རྒ་པས་སྐེམས།།མ་ལུའི་ཁྲི་ཤིང་སཱ་ལའི་ནགས་སྟུག་བཞིན།།ཞེས་སོ།།ཡང་གསུངས་པ།སྲིད་གསུམ་མི་བརྟན་སྟོན་ཀའི་སྤྲིན་དང་འདྲ།།འགྲོ་བའི་སྐྱེ་འཆི་གང་ལ་བལྟ་དང་མཚུངས།།འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ།།རི་གཟར་འབབ་ཆུ་ལྟ་བུར་མྱུར་མགྱོགས་འགྲོ།།ཞེས་སོ།།ཡང་གསུངས་པ།ནང་མེད་མི་རྟག་ཚེ་རིང་རྟག་མ་ཡིན།།ལ་ང་ཚོ་མི་རྟག་འབྱོར་པརྟག་མ་ཡིན།།ཞེས་སོ།།འཕགས་པ་ཤཱ་རིའི་བུས་བཤད་པ་ལ་ཡང་།གྲོགས་དག་ཚེ་འདི་མི་རྟག་མྱུར་འགྲོ་སྟེ།།རི་གཟར་ཆུ་དག་མགྱོགས་འདྲ་ན།།བྱིས་པ་སྐྱེ་བོས་མི་ཤེས་ཏེ།།མི་མཁས་གཟུགས་ཀྱི་དྲེགས་པས་མྱོས།།ཞེས་པ་ལ་སོགས་པའོ།།འཕགས་པ་ནྡ་གཱ་རྫུ་ནས་ཀྱང་།།དེ་ལྟར་འདི་ཀུན་མི་རྟག་བདག་མེད་དེ།།སྐྱབས་མེད་མགོན་མེད་གནས་མེད་དེ་སླད་དུ།།འཁོར་བ་ཆུ་ཤིང་སྙིང་པོ་མེད་པ་ལ།།མི་མཆོག་ཁྱོད་ཀྱི་ཐུགས་ནི་འབྱུང་བར་མཛོད།།ཅེས་བཤད་དོ།
唯有完全不執著世間者能成就此法。
如聖者阿阇黎也說："
乃至王位之樂亦不應執著。"
在《吉祥釋迦牟尼勸請》中，諸天說道："
初時年少具勝色，貧窮求樂愚者行，老時苦惱毀容光，舍離如鹿避枯泉。
具足財谷諸資具，貧窮求樂愚者行，財衰苦惱之時中，舍離如人避劫掠。
如同花樹具果實，如是施欲樂於母，財衰苦惱逼迫時，彼時不樂如禿鷲。
具財勝色如君主，相遇生愛根喜悅，老苦逼迫財盡時，彼時不欲如死主。

衰老所侵年華逝，如同樹木遭雷擊，老衰駝背如危屋，速說能離老者誰。
男女眾等為老枯，如同無餘薩拉林。"
又說："
三有不堅如秋云，眾生生死如觀舞，
眾生壽命如空電，如山流水速疾去。"
又說："
內外無常壽非恒，身體無常富非恒。"
聖舍利子也說："友等此生無常速疾去，如山流水疾，愚夫不知曉，無智醉色慢。"等。
聖龍樹也說："
如是此等無常無我性，無依無怙無處故，
輪迴如芭蕉無實質，祈請人尊心生厭。"
།གང་དབང་ཐོབ་པ་ཡང་སྟེ།གསང་བའི་མཛོད་ལས་གསུངས་པ།དབང་བསྐུར་ཡང་དག་སྦྱིན་ལྡན་ན།།སྐྱེ་དང་སྐྱེ་བར་དབང་བསྐུར་འགྱུར།།དེ་ཡི་སྐྱེ་བ་བདུན་ལ་ནི།།མ་བསྒྲུབས་པར་ནི་དངོས་གྲུབ་ཐོབ།།གང་ཡང་བསྒོམ་པ་དང་ལྡན་ཞིང་།།གལ་ཏེ་དམ་ཚིག་སྡོམ་ལ་གནས།།སྐྱེ་འདིར་ལས་དབང་གིས་མ་གྲུབ།།སྐྱེ་བ་གཞན་དུ་དངོས་གྲུབ་འཐོབ།།རེ་ཞིག་དམ་ཚིག་ཉམས་པ་ལ།།དངོས་གྲུབ་ཐོབ་པ་ལྟ་ཞོག་གི་།མི་ཡི་སྐྱེ་བའང་རྙེད་པར་དཀའ།།གང་ཡང་བླ་མར་བརྒྱུད་པ་ཡི།།རིམ་འོངས་དེ་ཉིད་རིམ་པ་ཡིས།།སྒྲུབ་པོ་དེ་ཡིས་འགྲུབ་སྙམ་དགོངས།།ཞེས་སོ།།འདི་ནི་གསང་བ་གསུམ་འགྲུབ་པའི་རྒྱུའི་གཙོ་བོ་མངོན་པར་བརྗོད་པའོ།།གང་རབ་ཏུ་དགའ་བའི་ནམམཁའ་ལ།།ཙཎྜན་མེ་ཏོག་བུད་མེད་བཟང་།།མཐོང་བ་གང་ཆོ་འཛག་གྱུར་པ།།དེ་ཚེ་དགའ་བར་ཡང་དག་བཤད།།སེམས་ཅན་ཀུན་ལ་རྣམ་པར་གནས།།སེམས་ཅན་དེ་དག་ཀུན་གྱི་སེམས།།དཔག་དཀའ་སྐད་ཅིག་ཉིད་ལས་ཤེས།།ཞེས་གསུངས་པ་ནི་བདག་གིས་མ་བཀག་སྟེ།ལོངས་སྤྱོད་སྤྱད་པར་མ་གསུངས་ཏེ།འཇིགས་པའི་གཟུགས་ཀྱིས་སྤྱོད་པ་གསུངས།།ཞེས་གསུངས་ལ།ཡང་པདྨར་ཆགས་པའི་སེམས་སྤངས་ཏེ།ཞེས་རྒྱུད་དག་ལས་བཀག་པ་བསྟན་པ་དང་བཅས་པ་བརྗོད་པའི་ཕྱིར་དང་།རྒྱུད་ལས་གང་གསུངས་ལོངས་སྤྱོད་ནིབདག་གིས་ཀྱང་བཀག་པ་མེད་དོ།དཔལ་མ་ཧཱ་མ་ཏིའི་ཞལ་སྔ་ནས་མཛད་པ་རྫོགས་སོ།།།།རྒྱ་གར་གྱི་སློབ་དཔོན་ཨཱ་ཙཪྻ་དུ་ལོ་པ་དང་།བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།
關於獲得灌頂，《密藏》中說："
若具正灌頂，生生獲灌頂，彼之七生中，不修得成就。
若具修持者，安住誓言戒，今生業力未成就，他生獲得悉地果。
暫且破誓言，莫說得成就，人身亦難得。任何上師傳，
次第而來者，修者思能成。"
這是宣說三密成就主因。"
于極喜虛空，旃檀花勝女，見彼流淚時，說為真歡喜。
遍住諸有情，彼等眾生心，剎那知難測。"
所說我未遮止，未說受用享樂，說以可畏相行持。
又說："應斷著蓮心。"
為宣說經續中遮止及教法故，經續所說受用我亦未遮止。
吉祥摩訶摩帝尊前所造圓滿。
印度阿阇黎杜洛巴與藏地譯師比丘法慧翻譯、校對並審定。